Cristy Fermin’s The Buzz Interview Transcript

Nadia Montenegro: “Seven months ago Tito Boy you know I’ve lost a very good friend [Gretchen Berretto]. I lost her because of intrigues. I lost her because of Cristy Fermin, who until this day has not proven that text message she told Gretchen that I sent to all these media, to all the reporters.

“Nagharap-harap kami sa Rembrandt [hotel] wala siyang napakita. Cristy Fermin, humingi ka ng oras kay Boy [Asistio], sa asawa ko, nakiusap ka kay Boy kung puwede mo akong solohin sa taas sa Rembrandt. Kahit ayoko nang makita ang pagmumukha mo, pinagbigyan kita!”

Cristy Fermin: “Boy, base sa sinabi ni Nadia Montenegro mga kaibigan, tahasan ko pong sasabihin na sinungaling na siya ay inconsistent pa. Ilang buwan na ang nakararaan kung tawagan niya si Gretchen, inilarawan niyang masamang babae—user, exploiter at schemer. Ngayon sasabihin mo, ‘I lost a good friend,’ mali ‘yon Nadia. Unang-una, ‘yong sinasabi mo na kasangkot ako sa kaso ninyo ni Gretchen, wala akong alam diyan. Pumasok lamang ako sa sitwasyon nung nasukol ka na parang daga sa lungga at ako ang ituro mo na nagkakalat ng balita.

“Nadia, natatandaan mo pa ba ‘yong mga gabi ilampung buwan kong itinago ito sa puso ko. Hindi ko isinulat sa limang columns ko, hindi ko sinabi dito sa The Buzz, hindi ko sinabi sa DZMM. Nadia, kung natatandaan mo pa, maraming gabi mo akong binubulabog. Pinagdadala mo ako ng camera sa Essensa [condominium in Taguig City] alas-otso ng gabi, alas otso ng umaga, lipstick, camera ang pinadadala mo sa akin. Ang sabi mo i-connive ko kuntsabahin ko ‘yong guwardiya ng Essensa sa basement dahil doon bumababa si Gretchen.

“Tanungin nating pareho si Gretchen Barretto kung mula nang sabihin mo sa akin ‘yon ay ipinagkanulo kita kay Gretchen. Ako’y pumasok lamang sa sitwasyon nung ako na ang idinidiin mo doon sa sinasabi mo na you’ve lost a good friend. Totoo, nawalan ka ng isang mabuting kaibigan.

“Nung nagkita-kita tayo sa Friday’s at Rembrandt, hinawakan ni Gretchen Barretto  ang kamay ni dating mayor Boy Asistio. Ang tanong ni Gretchen, ‘Mayor, ano pa po ba ang dapat kong gawin at ibigay kay Nadia para huwag na niya akong traydorin?’ Anong sabi ni Tito Boy? ‘Hindi ko alam. Matagal ko na siyang pinagsasabihan na lumayo sa ganitong mga isyu, hindi na siya nakikinig.’

“‘Yong sinasabi mo na ayaw mong makita ang aking pagmumukha nung gabing ‘yon, Nadia, mas kailangan mo ako nung gabing ‘yon kesa sa kailangan kita. Si Tanya Montenegro na kapatid mo ang kumuha sa akin para dalhin ako sa mezzanine floor kung saan ka naroon. Nakita kitang umiiyak, nandoon si Tanya, nandoon si Christine Puno, at pinangaralan kita kahit na ipinagkanulo mo ako, umiral pa rin ang pagiging pusong ina ko.

“Anong sabi ko sa ‘yo? ‘Kulang ang isang katawan mo, ang isang bibig mo para sa anim na anak mo at kay Tito Boy.’ Umiyak ka nang umiyak sa ‘kin, ‘Sorry, nanay, sorry, nanay.’ At ‘yon ang panahon na nagpadala ka dito ng apology letter sa The Buzz na binasa ni Boy. Ngayon, sasabihin mo na ako ang may kasalanan?

“Si Gretchen, kahapon [October 4], maraming salamat sa paninindigan dahil sinabi ni Gretchen na wala akong kinalaman sa kanilang away. Ninety million, anong sabi mo sa akin? ‘She made me a slave for four years.’ P900-million ang sangkot dito. Hindi P9,000, hindi P90,000. P90-million pesos! May bahay kayong nakasangla sa bangko ni Mr. Tonyboy Cojuangco, ginawa ni Gretchen ang lahat ng paraan para makatira pa kayo ng apat na taon. Anong sabi ni Gretchen kay Tito Boy? ‘Mayor, masama pa po ba akong kaibigan? Apat na taon pa kayo na nagkaroon ng ektensyon para makatira sa pakikipaglaban ko.’

“Anong sabi mo sa akin? ‘Pinababa ni Mr. Tonyboy Cojuangco si Gretchen. Pinalayas, walang natirang anuman sa katawan kundi ang dala lang niya. Ano’ng nagawa niya sa kanyang mga bags, sa kanyang mga alahas? Wala.’ Ikaw ang nagkalat sa iba’t ibang bibig. Nung nasukol ka na, ako ang iyong idiniin.”

“WALA KAMING LABAN”

Nadia Montenegro: “Naeskandalo ako. Ako ang ‘pinakamasamang tao’, ‘pinakamasamang kaibigan sa balat ng buong mundo’, pero never akong lumabas. Hindi ko napagtanggol ang sarili ko. Kasi sabi nila, hindi titigil si Cristy Fermin. Tito Boy, hindi siya tumigil. May mga artistang hindi makapaglaban, wala kaming laban, Tito Boy. May mikropono siya, may makinilya siya, may ballpen siya. Tito Boy, pinapakain niya sa pamilya niya ‘yong sinasabi niyang hanapbuhay sa paninirang-puri. Ilang artista, Tito Boy, ang hindi makapaglaban. Walang mawawala sa akin, wala na ako sa showbiz, Tito Boy. Wala akong show, wala akong pelikula. Hindi ko kailangan mag-comeback. Wala.”

Cristy Fermin: “Boy, ‘yong sinabi niya na hindi siya lumalabas, talagang hindi lumalabas ang mga traydor, patalikod kung bumira ang mga traydor. Pangalawa, ang sabi mo [Nadia], ang pinakakain ko sa pamilya ko ay ang paninira ko ng mga artista. Nadia, basahin mo ang mga columns ko, marami akong pinupuri na artista na hindi ko kakilala at hindi ko ka-close. Marami rin akong kakilala na kalapit ko na artista na pinipitik ko ‘pag nagkakamali. Huwag kang mag-imbento ng scenario na hindi mo kayang panindigan, ‘yon lang.”

“HINDI NAKAKAPATAY ANG SALITA.”

Nadia Montenegro: “‘Yong sinasabi niya na bawang ako, sawsawan, suka… Lahat na, Tito Boy, tinawag na niya akong baboy, gago, sinungaling… Tito Boy, lahat tinawag na niya sa akin. Pero ‘yong tinira na niya si Boy na asawa ko, na nananihimik… Sinabi ni Cristy, may article siya na hindi nakakapatay ang salita. Tito Boy, wala na si Tito Rollie [Concepcion, Gabby Concepcion's father]. Hihintayin ko bang mangyari sa nanay ko at sa asawa ko ‘yon?

“May nanay din siyang [Cristy] nakaratay ngayon, Tito Boy. Hindi ba dapat pag-aksayahan niya na lang ng panahon, ipagdasal niya nanay niya kesa siraan niya lahat ng tao dito? Sobra na, Tito Boy, e! Sobra na siya! Wala akong matandaan na ginawa sa kanya, wala! Siguro wala lang siyang napapakinabangan sa akin dahil hindi ako magbabayad para purihin mo lang ako!”

Cristy Fermin: “‘Yong sinabi niya na asikasuhin ko ang nanay ko, ipagdadasal ko ‘yon ang linya, isa sa dalawang linya, ‘tsaka ‘yong wala akong budhi, tsaka ‘yong pagsaling niya sa nanay ko, sa pinakamainit na kumot na binalabal ko sa malamig na Canada, Boy, ang nanay ko ay nabubuhay na lamang sa extensyon ng dasal naming magkakapatid ngayon. May batas akong sinusulat sa aking puso at bawat anak siguro ay ganun din. Salingin na ang lahat sa ‘tin, galawin na ang lahat sa ‘tin, suntukin na tayo mula ulo hanggang paa, saktan na tayo, [pero] huwag mong gagalawin ang nanay ko na 97 years old na.

“‘Yong sinasabi mong magbabayad ka para puruhin kita, Nadia, balikan mo nga mula nung 14 Going Steady days, ni-launch ka ng Regal. Mula nung panahon na ‘yon hanggang ngayon na nagsasalita ako sa mikropono, pakialala n’yo nga mga magkakapatid kung nagbayad kayo sa ‘kin kahit singkong duling? Kapag pinupuri ko ba kayo, marunong kayong magpasalamat? Si Tanya, marunong magpasalamat. Ikaw [Nadia] ang sini-single out ko, marunong ka bang magpasalamat kapag pinupuri ka? Naaalala mo lang ako kapag pinipitik kita.

“At hindi bayaran ang babaeng tinutukoy mo. Kung meron kang kilala na kolumnista na pilay ang prinsipyo, kung meron kang kilalang artistang nababayaran ng panulat, reporter, hindi ako ang tinutukoy mo. Nadia, publikasyon ang nagbabayad sa akin, hindi artista!”

“YOU HAVE NO CREDIBILITY ANYMORE.”

Nadia Montenegro: “I have to remind Cristy Fermin, you are convicted for libel. You have no credibility no more. I do not know but I have to say this and I have to fight for what I believe in. After nito, sisiraan niya pa rin ako siguro dahil wala nang budhi si Cristy Fermin!”

Cristy Fermin: “Tungkol doon sa kasong libelo, si Tito Eddie [Gutierrez] nga, si Tita Annabelle [Rama], at si Ruffa [Gutierrez] na direktang kasangkot hindi nagsasalita tungkol doon. Umandar na naman ang pagiging bawang ni Nadia Montenegro. Na-miss ko ‘yon kanina, hindi ko siya tinatawag na suka. ‘Yong g-a-g-o, hindi ko ginagamit sa column ko ‘yon, hindi talaga.

“Ang paninindigan ko lang, Nadia, ‘yong tinawag kitang bawang kasi sa lahat naman ng gulo sa showbiz, talagang kasali ka. Lagi kang umeeksena, lagi kang spokesperson. ‘Yong baboy ka, hindi sa akin nanggaling ‘yon. ‘Yong ‘Lilet’ read ‘liletsunin,’ hindi sa ‘kin galing ‘yon. Sa mga dating kaibigan mo na tinraydor mo. Pero bago na ang pangalan mo ngayon; ‘Ina’ ka na, ‘inahin’ ka na ngayon.

“Boy, ‘yong sinabi mo na pinakahuling sinabi niya ay ako daw ay walang budhi, Boy, kapag sinabi mo kasing walang budhi ang tao, pinatay mo na siya, e. Ginawa mo na siyang kriminal, ginawa ka na niyang buhay na patay. ‘Yong kredibilidad, ilang beses nang sinubok ng panahon ang aking kredibilidad at ako’y natutuwa naman dahil ang publiko hanggang ngayon ay naniniwala sa aking mga sinasabi at sinusulat. Sinong walang kredibilidad sa sa ‘ting dalawa? Ikaw na nagsasalita nang patalikod, pero ‘pag nasusukol nagtuturo ka ng ibang tao para maghugas-kamay ka.

“Pangalawa, ‘yong sinabi mo na wala akong budhi, Nadia, makinig ka ngayon. Boy, apat ang aking anak na galing sa aking sinapupunan. May dalawa akong anak na hinugot sa puso ko, hindi galing sa sinapupunan ko. ‘Yong apat na anak ko at dalawa na ipinanganak ng kanilang mga magulang at dinugtungan ang buhay, itinuturing ko rin na parang anak.

“Nadia, mahigit dalawang taon na ang nakararaan, nagdalang-tao ka na hindi alam ng karelasyon mo, hindi alam ng pamilya mo. Nagpunta ka sa isang ospital na matatagpuan sa pagitan ng Mandaluyong at Pasig. Pumasok ka ng alas-dose ng hatinggabi, inoperahan ka kinaumagahan, nagsilang ka ng sanggol na babae, nagtago ka sa pangalang Nadine Villegas. Nadia, umuwi ka ng bahay, hindi mo dinala ang sanggol, pinaalagaan mo sa isang kaibigan mong aktres na kilala natin pareho, kilala ng publiko ng ilang buwan. Pagkatapos ng ilang buwan, pinadala mo ang bata sa inyong tahanan ipinakilala mo sa karelasyon mo at sa iyong mga anak bilang ampon mo.

“Nadia, sino sa atin ngayon ang walang budhi? Ako na nagmahal at nagkaroon ng ekstensyon at oportunidad na magmahal ng dalawang bata na hindi ko dugo, o ikaw na hinugot sa sinapupunan mo ang isang sanggol pero hindi mo binigyan ng pangalan? Manalamin tayo nang sabay ngayon.”

“IBUBULGAR KO ANG LAHAT.”

Nadia Montenegro: “Kay Cristy Fermin, pumunta ako dito dahil alam kong wala nang mawawala sa akin. For seven months, tinira mo ako. Hindi ko na aantayin na maging isang mayor JV Ejercito, maging isang Piolo [Pascual] na tinira mo ng ilang taon. Lahat, lahat halos ng artista dito hindi makakibo, hindi makalaban. Pero ako, walang mawawala sa akin. Sana pagtapos nito, itigil mo na. Isang beses pa akong makarinig na sinisiraan ninyo ako, ibubulgar ko ang lahat! At Cristy, hindi namumundok ang asawa ko at kung mamundok man siya dahil kanya ang bundok.”

Cristy Fermin: “Hindi marunong umunawa si Nadia kasi ng isang panulat o baka hindi niya nabasa ang column ko. Wala akong sinabing namundok si Tito Boy. Ang sinabi ko, laging sa farm sa Bicol si Tito Boy dahil hindi naaasikaso ni Nadia at hindi niya pinakikinggan ang mga pangaral. Wala akong sinabing namundok si Tito Boy. Nadia, ang libro ng buhay ko ay lantad sa publiko. Lahat ng pahina inilalabas ko. Hindi ako ‘yong klase ng tao na namimili lamang ng mga pahinang magaganda para ipabasa sa publiko. Ibalik mo sa akin ‘yong basurang sinasabi mo at tiyak na babalik sa mukha mo.”

Bilang pangwakas, ito ang mensahe na sinabi ni Cristy:

“Gusto kong humingi ng pang-unawa at pasensiya kay Mayor Boy Asistio. Mayor, itinulak po ako sa pader ni Nadia. Iniwan po ako niya na walang pamimilian kung hindi ang sumuntok pabalik sa kanya. Umalis po ako ng bansa, sinamantala niya ang pananahimik ko sa Canada. At sino mang nagsasalita nang patalikod, traydor! Mayor, di ko mamatamisin na gawin kayong tau-tauhan ng sarili ninyong kasama sa bahay. Ayoko pong maglubalob sa kasinungalingan si Nadia para paniwalain ang kanyang mga kaibigan, kayo mismo at ang inyong mga anak sa isang kasinungalingan.

“Nadia, tumaas ang BP [blood pressure] ng mommy mo sa Amerika dahil sa kagagawan mo at hindi dahil sa akin. Baka nga hindi mo pa alam, itinatakbo pa lang sa ospital at nagpapa-BP ang mommy mo, alam ko na. Ang pakiusap niya sa iyo, ‘Huwag na huwag mong bibirahin ang Nanay Cristy mo dahil hindi natin kayang bayaran ang utang na loob natin sa kanya. Pero hindi mo siya pinakinggan.”

source: Pep.Ph

with your friends at Friendster, Facebook, Twitter etc.
Add this on your site/ profile or desktop.
Related Posts:

• ABS-CBN Suspends TV Host Cristy Fermin [First Read]
• TFC & Kapamilya Viewers plans to Boycott The Buzz to oust Cristy Fermin?
• 2008 PMPC Star Awards List of Nominees
• Kris Aquino to replace Cristinelli Fermin on The Buzz
• Sam Milby - Ruffa Mae Quinto or KC Concepcion?
• Lorna Tolentino to replace Cristy Fermin at The Buzz?
• Judy Ann Santos lilipat sa GMA7 Kapuso Channel?
• Paolo Bediones talks about Survivor Philippines Winner Spoiler
• Diether Ocampo Lilipat na sa GMA7 Kapuso Network?
• Jommy Pangatlong (3rd) Pinoy Fear Factor Participanteng Uuwi!